लोकतंत्र मिरर
नांदेड : वाडी येथील शासकीय रुग्णालयाचे उद्घाटन आज सकाळी ठाकरे गटाच्या पदाधिकाऱ्यांच्या वतीने करण्यात आले. या उद्घाटनावर विधान परिषदेतील शिवसेना (शिंदे गटाचे) गटनेते आ. हेमंत पाटील यांनी प्रतिक्रिया दिली आहे.
सरकारे येतात आणि जातात, मंत्रीही बदलत राहतात. मात्र, भूमिपूजन कोणी केले यापेक्षा या प्रकल्पासाठी निधी कोणी उपलब्ध करून दिला आणि हा प्रकल्प लोकांच्या सेवेत कधी सुरू होतो, हे अधिक महत्त्वाचे आहे, असे आ. पाटील म्हणाले. महाराष्ट्रात यापूर्वी पहाटे झालेले शपथविधी असोत किंवा इतर कोणतेही उद्घाटन, ते न्यायालयाने अवैध ठरविले आहेत. तसेच जनतेच्या मनातही अशा प्रकारची उद्घाटने अवैधच आहेत, अशी टीका त्यांनी केली.
