लोकतंत्र मिरर
नांदेड, रवींद्र औंढेकर (जिल्हा प्रतिनिधी) : मुख्यमंत्री देवेंद्र फडणवीस यांच्या मुंबईतील ‘वर्षा’ या शासकीय निवासस्थानी गणरायाचे मनोभावे दर्शन घेत आमदार प्रतापराव पाटील चिखलीकर यांनी आरती केली. मुख्यमंत्री देवेंद्र फडणवीस यांच्या उपस्थितीत झालेल्या या मंगलमय सोहळ्यात गणरायाची विधिवत पूजा-अर्चा करण्यात आली.
यावेळी आमदार सर्वश्री अक्षय कर्डिले, शेखर शेखावत, अनिल पाटील, गोपीचंद पडळकर, सदाभाऊ खोत, बापूसाहेब पठारे, योगेश टिळेकर यांच्यासह अन्य मान्यवर उपस्थित होते. गणरायाच्या आरतीनंतर उपस्थित मान्यवरांनी राज्याच्या सुख-समृद्धीसाठी प्रार्थना केली. याप्रसंगी मुख्यमंत्री देवेंद्र फडणवीस आणि उपस्थित आमदारांनी एकमेकांना गणेशोत्सवाच्या शुभेच्छा दिल्या.
