लोकतंत्र मिरर
नाशिक , आशिष औंढेकर (प्रमुख पश्चिम महाराष्ट्र) : रविवार, दिनांक ११/१०/२०२६ रोजी नाशिक महानगरपालिकेच्या प्रथम नागरिक, लोकप्रिय महापौर मा. सौ. हिमगौरी आहेर आडके यांचा वाढदिवस आहे. या निमित्ताने त्यांच्या कार्याचा गौरव करणे आणि त्यांना शुभेच्छा देणे हे प्रत्येक नाशिककराचे कर्तव्य आहे. महापौर म्हणून त्यांनी गेल्या नऊ महिन्यांपासून केलेली कामगिरी अतिशय उल्लेखनीय आहे. त्यापूर्वी माजी स्थायी समिती सभापती म्हणून त्यांनी महानगरपालिकेच्या तिजोरीवर शिस्त लावण्याचे काम केले होते. पैशाचा योग्य विनियोग कसा करावा, याचा वस्तुपाठ त्यांनी तेव्हाच घालून दिला होता. आज त्याच अनुभवाचा फायदा संपूर्ण नाशिक शहराला होत आहे.
भारतीय संस्कृतीत कुंभमेळ्याला अनन्यसाधारण महत्त्व आहे. काळापासून चालत आलेली ही परंपरा आजही तितकीच पवित्र मानली जाते. समुद्रमंथनातून प्राप्त झालेले अमृत ज्या चार ठिकाणी सांडले, त्यापैकी एक म्हणजे आपले नाशिक, गोदावरी तीर. या ठिकाणी स्नान केल्याने मोक्ष प्राप्त होतो, अशी श्रद्धा आहे. शास्त्रात म्हटले आहे की,
कुंभपर्वणि संप्राप्ते स्नानं गोदावरी जले
सर्व पाप विनिर्मुक्तो याति ब्रह्म सनातनम्
अर्थात, कुंभपर्वाच्या काळात गोदावरीत स्नान केल्याने सर्व पापांपासून मुक्ती मिळते. यंदा हा पवित्र योग पुन्हा नाशिकमध्ये आला आहे आणि हा योग यशस्वी करण्याची मोठी जबाबदारी महापौर हिमगौरीताई यांच्यावर आहे. या ऐतिहासिक कुंभमेळ्याच्या नियोजनासाठी त्या सर्वतोपरी प्रयत्न करत आहेत. देशाचे यशस्वी पंतप्रधान नरेंद्र मोदीजी यांच्या मार्गदर्शनाखाली, राज्याचे कणखर मुख्यमंत्री देवेंद्रजी फडणवीस आणि आपले पालकमंत्री गिरीश महाजन साहेब यांच्या खंबीर नेतृत्वाखाली त्या अहोरात्र काम करत आहेत. पालकमंत्री गिरीश महाजन साहेब हे स्वतः लक्ष घालून कुंभमेळ्याच्या प्रत्येक कामाचा आढावा घेत आहेत आणि महापौर त्यांच्या सूचनांचे तंतोतंत पालन करत आहेत. केंद्र आणि राज्य सरकारकडून येणारा निधी हा जनतेचा पैसा आहे आणि तो योग्य पद्धतीने वापरला गेला पाहिजे, याकडे महापौरांचा कटाक्ष आहे.
गेल्या नऊ महिन्यांतील त्यांची काही ठळक कामे म्हणजे पाणीप्रश्नावर घेतलेली कणखर भूमिका. पावसाळ्यातही नागरिकांना पाणी मिळत नाही, याबाबत त्यांनी अधिकाऱ्यांना स्पष्ट शब्दांत ताकीद दिली होती की, ऑक्टोबर अखेरपर्यंत पाणीपुरवठा सुरळीत करा, अन्यथा घरी बसा. त्यांच्या या दराऱ्यामुळे शहरातील एकशे दहा जलकुंभांची कामे वेगाने पूर्ण होत आहेत, टँकरची संख्या वाढली आहे आणि प्रत्येक भागासाठी स्वतंत्र कर्मचारी नेमले गेले आहेत. दुसरे काम म्हणजे स्वच्छता आणि रस्ते सुशोभीकरण. कुंभमेळ्याच्या पार्श्वभूमीवर घाटांचे दगडी बांधकाम मजबूत करणे, कायमस्वरूपी शौचालये, पिण्याच्या पाण्याची व्यवस्था, प्रकाशव्यवस्था आणि सीसीटीव्ही सुरक्षा जाळे उभारणे ही कामे त्यांच्या नेतृत्वाखाली सुरू आहेत. भाविकांना आणि पर्यटकांना कोणताही त्रास होऊ नये, यासाठी त्या स्वतः प्रत्यक्ष जागेवर जाऊन पाहणी करत आहेत.
तिसरे महत्त्वाचे काम म्हणजे नाशिकच्या पर्यटन विकासाला चालना देणे. कुंभमेळा हा केवळ धार्मिक उत्सव नाही, तर तो नाशिकच्या पर्यटनासाठी सुवर्णसंधी आहे. बाहेरून येणारा प्रत्येक भाविक हा नाशिकचा पर्यटक म्हणून परत जावा आणि त्याने नाशिकचे नाव जगभर पसरवावे, अशी त्यांची इच्छा आहे. साधूग्रामचे नियोजन, वाहतूक व्यवस्थापनासाठी नवीन व्यवस्था आणि गोदावरी प्रदूषणमुक्ती मोहीम यामुळे नाशिक हे स्वच्छ, सुंदर आणि सुरक्षित पर्यटनस्थळ म्हणून उदयास येत आहे. आहेर कुटुंबाचा भारतीय जनता पक्षाशी असलेला संबंध अनेक दशकांचा आहे. दिवंगत डॉ. डी. एस. आहेर यांचा वारसा आणि आमदार राहुल आहेर यांचे मार्गदर्शन यामुळे हिमगौरीताईंच्या कामाला एक वेगळीच उंची मिळाली आहे. त्या केवळ राजकारणी नाहीत, तर एक संवेदनशील जनसेविका आहेत.
रविवार, दिनांक ११/१०/२०२६ रोजी* होणाऱ्या वाढदिवसानिमित्त आपण सर्वांनी त्यांना शुभेच्छा देऊया. त्यांच्या हातून नाशिकच्या विकासाची अशीच सेवा घडत राहो. येणारा कुंभमेळा त्यांच्या नेतृत्वाखाली ऐतिहासिक आणि यशस्वी होवो, हीच ईश्वरचरणी प्रार्थना. त्यांना उदंड आयुष्य, उत्तम आरोग्य आणि यश लाभो.
वाढदिवसाच्या खूप खूप शुभेच्छा ताईसाहेब!
आपला नम्र,
प्रदीप पाटील
भाजपा महाराष्ट्र प्रदेश कार्यकारिणी सदस्य, नाशिक
