लोकतंत्र मिरर
नांदेड, रवींद्र औंढेकर (जिल्हा प्रतिनिधी): दिव्यांग नागरिक व विद्यार्थ्यांच्या विविध प्रलंबित मागण्यांसाठी गुरुवारी शहरात एक आगळेवेगळे आंदोलन पाहावयास मिळाले. सर्वसमावेशक दिव्यांग सशक्तिकरण असोसिएशनचे संस्थापक अध्यक्ष राहुल साळवे यांच्या नेतृत्वाखाली शेकडो दिव्यांगांनी झाडू घेऊन गांधीगिरी मार्गाने स्वच्छता अभियान राबवले. जिल्हाधिकारी राहुल कर्डिले आणि महापालिका आयुक्त डॉक्टर महेशकुमार डोईफोडे यांच्या शासकीय निवासस्थानासमोर तसेच महापालिकेच्या इमारतीबाहेर झालेल्या या आंदोलनाने प्रशासनाचे लक्ष वेधून घेतले.
या आंदोलनात संभाजी सोनाळे, बाबू डुकरे, एक उमर, मिलिंद सीतळे, भाग्यश्री नागेश्वर, अफरोजा खानम यांच्यासह शेकडो दिव्यांग बांधव मोठ्या संख्येने सहभागी झाले होते. प्रशासनाने त्यांच्या मागण्यांवर तातडीने सकारात्मक निर्णय न घेतल्यास आंदोलन अधिक तीव्र करण्याचा इशारा यावेळी देण्यात आला.
