लोकतंत्र मिरर
नांदेड (जिल्हा प्रतिनिधी) : दुष्काळसदृश परिस्थितीमुळे शेतीसमोर अचानक उद्भवलेल्या संकटाचा आढावा घेण्यासाठी खासदार डॉ. अजित गोपछडे यांनी बिलोली तालुक्याला भेट देऊन दुष्काळग्रस्त पिकांची प्रत्यक्ष पाहणी केली. बिलोली तालुक्यातील बिजूर, पिंपळगाव, आरळी आणि कासराळी या गावांना भेट देऊन त्यांनी शेतकरी बांधवांशी संवाद साधला. यावेळी पिकांची सद्यस्थिती, पाणीटंचाई आणि शेतकऱ्यांना भेडसावणाऱ्या विविध अडचणींची माहिती घेतली.
याप्रसंगी लक्ष्मणराव ठक्करवाड, श्रावण पाटील भिलवंडे, माणिकराव लोहगावे, चंद्रशेखर पाटील सावळीकर, उमाकांत गोपछडे, हावगिराव गोपछडे, शांतेश्वर पाटील लघुळकर, शिवराज बोधने, मारुती राहिरे, गंगाधरराव भिंगे, अशोक पाटील साखरे, अरविंद ठक्करवाड, संदीप पाटील रामपुरे, शिवाजी पांडागळे यांच्यासह परिसरातील ग्रामस्थ व नागरिक मोठ्या संख्येने उपस्थित होते.
