लोकतंत्र मिरर
मुंबई. लग्नसराईच्या पार्श्वभूमीवर सोने आणि चांदीच्या दरात मोठी घसरण झाल्याने खरेदीदारांना दिलासा मिळाला आहे. सराफा बाजारात आज सोने 900 रुपयांनी स्वस्त झाले असून चांदीच्या दरात तब्बल 4,745 रुपयांची घट नोंदवण्यात आली आहे. इंडियन बुलियन अँड ज्वेलर्स असोसिएशन (IBJA) च्या दरांनुसार, 23 एप्रिल रोजी 24 कॅरेट सोन्याचा दर 927 रुपयांनी कमी होऊन 1,51,189 रुपये प्रति किलोवर पोहोचला आहे. तर चांदीचा दर 2,43,937 रुपये प्रति किलो इतका आहे. 22 कॅरेट सोन्याचा दर 1,38,489 रुपये प्रति तोळा इतका असून जीएसटीसह हा दर 1,42,643 रुपये इतका होतो. 18 कॅरेट सोन्याच्या दरात 695 रुपयांची घट झाली असून तो 1,13,392 रुपये प्रति तोळ्यावर आला आहे. तसेच 23 कॅरेट सोन्याचा दर 923 रुपयांनी घसरून 1,50,584 रुपये झाला आहे. IBJA च्या माहितीनुसार, सोन्याने यापूर्वी 1,76,121 रुपये प्रति तोळा असा उच्चांक गाठला होता. त्या तुलनेत सध्या सोनं 24,932 रुपयांनी स्वस्त मिळत आहे. चांदीही आपल्या उच्चांकाच्या तुलनेत 1,41,996 रुपयांनी कमी दरात उपलब्ध आहे.
आंतरराष्ट्रीय घडामोडींमुळेही दरांवर परिणाम झाला आहे. अमेरिका आणि इराणमधील तणावाच्या पार्श्वभूमीवर सोनं 7,908 रुपयांनी तर चांदी 23,963 रुपयांनी स्वस्त झाल्याचे दिसून आले आहे.
