लोकतंत्र मिरर
मलकापूर : भारतीय जनता पार्टीच्या महाराष्ट्र प्रदेश उद्योग घटकाच्या संघटनात्मक नियुक्त्यांची घोषणा प्रदेशाध्यक्ष रवींद्र चव्हाण यांनी केली आहे. यामध्ये मलकापूर येथील चैतन्य उद्योग समूहाचे संचालक प्रसन्न देशपांडे यांची उद्योग घटकाच्या विदर्भ सहसंयोजकपदी नियुक्ती करण्यात आली आहे. या नियुक्तीची घोषणा ८ ऑक्टोबर रोजी करण्यात आली.
चैतन्य उद्योग समूहाच्या माध्यमातून उद्योग क्षेत्रात कार्यरत असलेल्या प्रसन्न देशपांडे यांच्यावर पक्षाने महत्त्वाची जबाबदारी सोपविली आहे. त्यांच्या या नियुक्तीमुळे मलकापूरसह बुलढाणा जिल्ह्यातील भाजपच्या उद्योग घटकाच्या संघटनात्मक कार्याला बळ मिळेल, अशी अपेक्षा व्यक्त केली जात आहे.
