लोकतंत्र मिरर
अहिल्यानगर, राधेशाम कुलकर्णी (जिल्हा प्रमुख) : शहरातील नालेगाव परिसरातील जनकल्याण रक्तपेढीत दरवर्षीप्रमाणे यंदाही श्रीगणेशाची स्थापना करण्यात आली आहे. गणेशोत्सवानिमित्त रक्तपेढीत आयोजित आरतीसाठी शहरातील विविध क्षेत्रांतील मान्यवरांना निमंत्रित करण्यात आले.
रविवार, २० सप्टेंबर रोजी श्रीगणेशाच्या आरतीसाठी प्रतिष्ठित उद्योजक तथा विश्व हिंदू परिषदेचे अहिल्यानगर दक्षिण जिल्हा मंत्री अनिल जोशी, जिल्हा सहमंत्री राजेंद्र चुंभळकर यांच्यासह अन्य पदाधिकाऱ्यांना जनकल्याण रक्तपेढीच्या वतीने निमंत्रित करण्यात आले होते. मान्यवरांच्या हस्ते श्रीगणेशाची आरती करण्यात आली. यावेळी गजेंद्र सोनवणे, विहिंपच्या पुरोहित आघाडीचे जिल्हा संयोजक श्रीकांत नंदापूरकर यांच्यासह रक्तपेढीचे अधिकारी, कर्मचारी व कार्यकर्ते उपस्थित होते.
