लोकतंत्र मिरर
नागपूर,सतीश तोडासे ( प्रतिनिधी ) : लकडगंज येथील हनीलिसा अपार्टमेंट परिसरात सुरू असलेल्या बेकायदेशीर गोशाळा, अस्वच्छता तसेच उशिरा रात्रीपर्यंत सुरू असलेल्या बेकायदेशीर गोदामांमधील मालाच्या लोडिंग-अनलोडिंगच्या आवाजामुळे रहिवासी त्रस्त झाले आहेत. रात्री २ ते ३ वाजेपर्यंत सुरू असलेल्या या कामांमुळे नागरिकांच्या झोपेवर आणि शांततेवर परिणाम होत असल्याची तक्रार रहिवाशांनी केली आहे.
या समस्येबाबत स्थानिक नागरिक तसेच हनीलिसा अपार्टमेंटमधील रहिवाशांनी स्थानिक प्रशासन आणि पोलीस विभागाकडे निवेदन व अर्ज सादर केला आहे. रहिवाशांची झोप, शांतता आणि आरोग्याबाबत कोणतीही तडजोड केली जाणार नसून, संबंधित अधिकाऱ्यांनी परिसराची तातडीने पाहणी करून दोषींवर कडक कारवाई करावी, अशी आग्रही मागणी करण्यात आली आहे.
