लोकतंत्र मिरर
पुणे ,आशिष ओढेकर (प्रमुख पश्चिम महाराष्ट्र) : आपल्या अभिनयाने जगभरातील रसिक प्रेक्षकांना खिळवून ठेवणाऱ्या नाना पाटेकर यांचे काश्मीरवर विशेष प्रेम होते. काश्मीरमधील शाळेतील विद्यार्थ्यांसाठी त्यांनी काम करण्याचा मानस व्यक्त करून त्यादृष्टीने प्रयत्नही सुरू केले होते. आमची म्हणजेच मयुर मसूरकर तसेच राजू फरांदे यांची मल्हार पाटेकर आणि नाना यांच्याशी प्रत्यक्ष भेट होऊन यासंदर्भात चर्चाही झाली होती.
त्यांच्या अकाली जाण्यानंतर मल्हार तसेच त्यांचे सहकारी हे स्वप्न पूर्ण करण्याचा प्रयत्न करतील, याची आम्हाला खात्री आहे. मात्र, सरहद संस्थेनेही नाना पाटेकर यांना आदरांजली वाहण्यासाठी त्यांच्या नावाने शाळा सुरू करण्याचा संकल्प केला आहे. सरहद संस्था काश्मीरमध्ये गेली चार दशकांहून अधिक काळ काम करते. संस्थेच्या वतीने दर्दपोरा, जि. कुपवाडा आणि आरागाम, जि. बांदीपोरा येथे दोन शाळा चालविल्या जातात. सरहद संस्थेचे समन्वयक जाहीद भट व सलीम रैना यांनी काश्मीरमध्ये स्व. नाना पाटेकर यांच्या नावाने शाळा सुरू करण्यासाठी स्वतःची जागा देऊन पुढाकार घेण्याचे ठरविले आहे.
मल्हार पाटेकर तसेच त्यांच्या कुटुंबीयांनी यास मान्यता दिल्यास स्व. नाना पाटेकर यांच्या नावाने काश्मीरमध्ये शाळा सुरू करण्यात येईल आणि ही स्व. नाना पाटेकर यांना खरी आदरांजली ठरेल, अशी माहिती संस्थेचे मयुर मसूरकर आणि राजू फरांदे यांनी आज एका प्रसिद्धीपत्रकाद्वारे दिली.
