लोकतंत्र मिरर
बालेवाडी : हॉकीचे जादूगार आणि भारतीय क्रीडा क्षेत्रातील महान खेळाडू मेजर ध्यानचंद यांच्या जयंतीनिमित्त राष्ट्रीय क्रीडा दिन उत्साहात साजरा करण्यात आला. भारतीय खेळाडूंना प्रेरणा मिळावी तसेच क्रीडा क्षेत्रातील योगदानाची जाणीव नव्या पिढीला व्हावी, या उद्देशाने मेजर ध्यानचंद यांचा जन्मदिन राष्ट्रीय क्रीडा दिन म्हणून साजरा केला जातो.
यावेळी प्रकाश (तात्या) बालवडकर सपोर्ट फाउंडेशन, बालेवाडी यांच्या वतीने मेजर ध्यानचंद यांच्या स्मृतींना विनम्र अभिवादन करण्यात आले. त्यांच्या उत्कृष्ट क्रीडा कारकिर्दीचा तसेच देशासाठी दिलेल्या योगदानाचा गौरव करण्यात आला. मेजर ध्यानचंद यांनी आपल्या असामान्य हॉकी कौशल्याने भारताचे नाव आंतरराष्ट्रीय क्रीडा क्षेत्रात उंचावले. त्यांच्या जीवनातून आणि कर्तृत्वातून आजच्या युवा खेळाडूंनी प्रेरणा घेऊन विविध क्रीडा प्रकारांत देशाचे नाव उज्ज्वल करावे, असे आवाहन यावेळी करण्यात आले.
भारतीय खेळाडूंची आंतरराष्ट्रीय पातळीवरील कामगिरी अशीच उंचावत राहावी आणि देशाला नवनवीन क्रीडा प्रतिभा लाभावी, अशा शुभेच्छा प्रकाश (तात्या) बालवडकर सपोर्ट फाउंडेशनच्या वतीने देण्यात आल्या.
