लोकतंत्र मिरर
नांदेड : नांदेड जिल्ह्यातील उमरी तालुक्यातील वाघलवाडा येथे एम.व्ही.के. ॲग्रो फुड प्रोडक्ट लिमिटेडच्या कुसुमनगर साखर कारखान्याचा शुभारंभ सोहळा गुरुवार, दि. १५ ऑक्टोबर २०२६ रोजी उत्साहात पार पडला. महाराष्ट्र राज्याचे सहकार, पणन व वस्त्रोद्योग मंत्री राधाकृष्ण विखे पाटील यांच्या हस्ते कारखान्याचे उद्घाटन करण्यात आले. या कार्यक्रमाच्या अध्यक्षस्थानी माजी मुख्यमंत्री तथा राज्यसभा सदस्य खासदार अशोकराव चव्हाण होते.
या सोहळ्याला माजी मंत्री मकरंद आबा पाटील जाधव, आमदार बाबासाहेब पाटील, आमदार अतुल सावे आणि आमदार सुनील राणे यांची प्रमुख उपस्थिती होती. कार्यक्रमाचे निमंत्रक मारोतराव पा. कवळे गुरुजी यांनी सर्व मान्यवरांचे स्वागत केले. या वेळी नांदेड जिल्ह्यातील शेतकरी आणि हितचिंतक मोठ्या संख्येने उपस्थित होते. कुसुमनगर साखर कारखाना सुरू झाल्यामुळे परिसरातील शेतकऱ्यांना मोठा फायदा होईल, अशी भावना यावेळी व्यक्त करण्यात आली.
