लोकतंत्र मिरर
दापोडी. येथील अष्टविनायक चौकात स्वर्गीय पै. श्रीकांत भाऊ काटे युवा मंच आणि श्री दादा काटे मित्र परिवार यांच्या वतीने अजितदादा आणि श्रीकांत भाऊ यांच्या छायाचित्रांची आकर्षक सजावट करून त्यांना अनोख्या पद्धतीने अभिवादन करण्यात आले.
विविध रंगांच्या विद्युत रोषणाईने उजळलेला परिसर, पणत्यांची सुंदर मांडणी आणि आकर्षक रांगोळी यामुळे अष्टविनायक चौकात लक्षवेधी देखावा साकारण्यात आला. या कलात्मक सजावटीतून दोन्ही मान्यवरांप्रती आदर, प्रेम आणि आपुलकीची भावना व्यक्त करण्यात आली. आकर्षक विद्युत रोषणाई आणि सुबक रांगोळी पाहण्यासाठी परिसरातील नागरिकांनी गर्दी केली होती.
स्वर्गीय पै. श्रीकांत भाऊ काटे युवा मंच आणि श्री दादा काटे मित्र परिवार यांच्या वतीने आयोजित या उपक्रमामुळे अष्टविनायक चौकातील वातावरण विशेष आकर्षणाचे केंद्र ठरले. आयोजकांच्या या अभिनव उपक्रमाचे परिसरातील नागरिकांकडून कौतुक होत आहे.
