लोकतंत्र मिरर
नागपूर, सतीश तोडासे ( प्रतिनिधी) : जिल्हा क्रीडा कार्यालयाच्या वतीने नागपूर येथील आरटीएम नागपूर विद्यापीठाच्या बास्केटबॉल मैदानावर आंतरशालेय बास्केटबॉल स्पर्धेचे आयोजन करण्यात आले. या स्पर्धेत सरस्वती विद्यालय, शंकरनगरच्या १७ वर्षांखालील मुलींच्या संघाने उत्कृष्ट कामगिरी करत प्रथम क्रमांक पटकावला. त्यामुळे संघाने विभागीय स्तरावरील स्पर्धेसाठी पात्रता मिळविली.
विजयी संघात अनघा धर्मे, अक्षदा धर्मे, सेजल मिशा, वास्तवी पाटील, आरोही खैर्या, भूमी ढोके, भावी येडेकर, रुद्राणी दरवेकर, निराली शेट्टेवार, मनुश्री शेंद्रे, सौजन्या काजणे आणि अलिशा बन्सोड यांचा समावेश होता. प्रशिक्षक डॉ. ब्रिजमोहन रावत, श्री. पुष्पक तांबेकर आणि श्री. वैभव कुभंरे यांच्या मार्गदर्शनाखाली संघाने स्पर्धेत उल्लेखनीय कामगिरी बजावली.
संघाच्या या यशाबद्दल शाळा व्यवस्थापन, मुख्याध्यापिका डॉ. रेश्मी उमेश, उपमुख्याध्यापिका सौ. शैली अय्यर, पर्यवेक्षक श्री. राहुल घोडे, श्री. शैलेंद्र ठाकूर, शिक्षक व शिक्षकेतर कर्मचाऱ्यांनी विजयी संघाचे अभिनंदन केले आणि आगामी विभागीय स्तरावरील स्पर्धेसाठी संघाला शुभेच्छा दिल्या.
