लोकतंत्र मिरर
अहिल्यानगर , राधेशाम कुलकर्णी (प्रतिनिधी ) : भारतीय जनता पार्टी, अहिल्यानगर कार्यालय येथे श्री गणपती बाप्पांच्या आरतीचे आयोजन करण्यात आले. या आरतीसाठी अनुगामी लोकराज्य महाअभियान (अनुलोम) मधील सर्व भाग जनसेवकांना विशेष आमंत्रित करण्यात आले होते.
यावेळी भाजपा कार्यालयीन मंत्री मा. श्री. मुकुंल गंधे, अनुलोम जिल्हाप्रमुख दीपक रोहकले, शेवगाव विधानसभा अनुलोम प्रमुख गणेश मोरे, श्रीगोंदा विधानसभा प्रमुख राम भालसिंग, नगर विधानसभा प्रमुख अमोल अवस्थी तसेच पारनेर विधानसभा प्रमुख प्रसाद तोटे उपस्थित होते. यावेळी सर्व मान्यवरांनी श्री गणरायाची मनोभावे आरती करून सर्वांच्या सुख-समृद्धी व आरोग्यासाठी प्रार्थना केली. भक्तिमय वातावरणात गणपती बाप्पांच्या आरतीचा कार्यक्रम उत्साहात पार पडला.
