लोकतंत्र मिरर
चंद्रपूर : चंद्रपूरमध्ये स्थानिक गुन्हे शाखेने (LCB) ड्रग्ज तस्करांविरोधात मोठी कारवाई करत सुमारे ६ लाख रुपये किमतीचे ‘एमडी’ ड्रग्ज जप्त केले आहे. या कारवाईमुळे शहरातील अमली पदार्थांच्या अवैध व्यवहारांवर मोठा आघात झाल्याचे मानले जात आहे.
पोलिसांना चंद्रपूर शहरातील जटपुरा गेट परिसरातील ‘इटनकर पान मंदिर’ जवळ एमडी ड्रग्जची विक्री होणार असल्याची गुप्त माहिती मिळाली होती. या माहितीच्या आधारे स्थानिक गुन्हे शाखेच्या पथकाने तातडीने सापळा रचून संबंधित ठिकाणी कारवाई केली.कारवाईदरम्यान पोलिसांनी ओम संतोष इटनकर (वय २५) याला ताब्यात घेतले. त्याच्याकडून सुमारे ६ लाख रुपये किमतीचे एमडी ड्रग्ज जप्त करण्यात आले. पोलिसांच्या या कारवाईमुळे ड्रग्ज तस्करीच्या साखळीचा तपास अधिक वेगाने होण्याची शक्यता व्यक्त केली जात आहे.
या प्रकरणात पुढील तपास स्थानिक गुन्हे शाखेकडून सुरू असून, जप्त करण्यात आलेल्या अमली पदार्थांच्या अनुषंगाने अधिक माहिती मिळविण्याचे काम सुरू आहे.
