लोकतंत्र मिरर
नांदेड : शहरातील विमानतळ रोड परिसरातील अंबानगर, सांगवी येथे वडार समाजाच्या वतीने श्री हनुमान मूर्ती प्राणप्रतिष्ठा सोहळा व महाप्रसादाचे आयोजन करण्यात आले. शनिवार, १२ सप्टेंबर २०२६ रोजी हा धार्मिक सोहळा मोठ्या उत्साहात पार पडला. या कार्यक्रमाचे उद्घाटन नांदेड उत्तर विधानसभा मतदारसंघाचे आमदार आ. बालाजीराव कल्याणकर यांच्या हस्ते झाले. यावेळी विविध पदाधिकारी, नगरसेवक, माजी नगरसेवक तसेच समाजबांधवांची उपस्थिती होती.
कार्यक्रमाला दिलीप सोनवाडे, उपनगराध्यक्ष नगरपालिका भोकर, नगरसेवक सौ. मिनल पाटील, नगरसेवक संदीपसिंघ गाडीवाले, माजी नगरसेवक श्याम कोकाटे, नगरसेवक सुभाष गुजर (परभणी), नगरसेवक सुभाष कासले (गंगाखेड), नगरसेवक राजू चमकुरे (मुदखेड), नगरसेवक दिलीप पवार (कंधार), निळकंठ वर्षवार, किसन रॅपनवाड, रामराव गोरे, ॲड. प्रा. साहेबराव शंकरराव बेळे, ॲड. माधव गुंजाळ, माधव देवकर, गुणाजी शेळके, बाळासाहेब देवकर, आकाश पवार, मारोती छापेवार, रमेश दिंडे, तुकाराम मोरे, लालेश बिजापूरे, नागेश देवकर आदी उपस्थित होते. प्राणप्रतिष्ठा सोहळ्यानंतर महाप्रसादाचे आयोजन करण्यात आले. धार्मिक वातावरणात पार पडलेल्या या कार्यक्रमाला समाजबांधवांचा उत्स्फूर्त प्रतिसाद मिळाला.
