लोकतंत्र मिरर
महाराष्ट्रातील विधान परिषदेच्या 10 जागांसाठी होणारी निवडणूक आता बिनविरोध झाली आहे. भारत निवडणूक आयोगाने या निवडणुकीचा कार्यक्रम जाहीर केला होता आणि 12 मे रोजी मतदान होणार होते, मात्र आता मतदानाची गरज भासणार नाही. या निवडणुकीसाठी एकूण 10 उमेदवारांनीच अर्ज दाखल केले असून, जागांच्या संख्येइतकेच उमेदवार असल्याने निवडणूक बिनविरोध ठरली आहे. यामध्ये भाजपकडून 6, शिवसेना शिंदे गटाकडून 2, राष्ट्रवादी काँग्रेस अजित पवार गटाकडून 1 आणि महाविकास आघाडीकडून 1 उमेदवाराचा समावेश आहे. तीन अपक्ष उमेदवारांनी अर्ज दाखल केले असले तरी आवश्यक 10 आमदारांचे सूचक समर्थन नसल्यामुळे त्यांचे अर्ज बाद होणार आहेत. त्यामुळे सर्व 10 जागांवर आता बिनविरोध निवड झाली असून, अधिकृत घोषणा लवकरच होणार आहे.
