लोकतंत्र मिरर
परभणी, निलेश कामतीकर (प्रतिनिधी) : संपूर्ण मराठवाड्यात उद्भवलेल्या अभूतपूर्व दुष्काळी स्थितीच्या पार्श्वभूमीवर राज्य सरकारने दुष्काळासह तकलादू सोयी-सुविधांसंबंधी काढलेल्या अध्यादेशाच्या प्रतीची शिवसेना उद्धव बाळासाहेब ठाकरे गटाच्या नेते मंडळींसह कार्यकर्त्यांनी होळी केली.
येथील तहसील कार्यालयासमोर सोमवारी सकाळी शिवसेनेचे नेते डॉ. विवेक नावंदर, जिल्हाप्रमुख विष्णू मुरकुटे, जिल्हाप्रमुख रवींद्र धर्मे, शिवलिंग बोधने, सदाशिवराव देशमुख, अरविंद देशमुख, नवनीत पाचपोर, अनिल डहाळे, संभानाथ काळे, बाळासाहेब तळेकर यांच्यासह अन्य पदाधिकारी व कार्यकर्त्यांनी राज्य सरकारच्या अध्यादेशाच्या प्रतीची प्रचंड घोषणाबाजी करीत होळी केली व निषेध नोंदवला.
