लोकतंत्र मिरर
नांदेड, रवींद्र औंढेकर (जिल्हा प्रतिनिधी) : नांदेड जिल्हा मध्यवर्ती सहकारी बँकेची ९९ वी वार्षिक सर्वसाधारण सभा सोमवारी उत्साहपूर्ण वातावरणात पार पडली. सभासद तसेच ग्रामीण अर्थव्यवस्थेला बळकटी देण्यासाठी बँकेची भूमिका अत्यंत महत्त्वाची असल्याचे यावेळी अधोरेखित करण्यात आले.
राज्याचे माजी मुख्यमंत्री तथा खासदार अशोकराव चव्हाण व आमदार प्रतापराव पाटील चिखलीकर यांच्या प्रमुख उपस्थितीत आमदार डॉ. तुषार राठोड यांच्या अध्यक्षतेखाली ही वार्षिक सर्वसाधारण सभा घेण्यात आली. सभेत बँकेच्या कामकाजाचा आढावा, सहकार क्षेत्रातील विविध उपक्रम, तसेच सभासद व शेतकऱ्यांच्या हितासाठी राबविण्यात येणाऱ्या योजनांवर चर्चा करण्यात आली. ग्रामीण भागातील अर्थव्यवस्थेला चालना देणे तसेच शेतकऱ्यांना आर्थिकदृष्ट्या सक्षम करण्यासाठी बँकेच्या माध्यमातून विविध उपक्रम राबविण्याबाबत यावेळी चर्चा करण्यात आली.
यावेळी बँकेच्या उपाध्यक्ष डॉ. मीनल पाटील खतगावकर, संचालक बी. आर. कदम, माधवराव पाटील जवळगावकर, श्रीनिवास चव्हाण, कैलास देशमुख गोरठेकर, मारोतराव कवळे गुरुजी, कृष्णा पाटील आष्टीकर, अनिल पाटील बाभळीकर, सौ. संगीता विठ्ठल पाटील डक, सौ. प्रणिताताई देवरे, सौ. सुशिलाबाई बेटमोगरेकर यांच्यासह सर्व संचालक, बँकेचे मुख्य कार्यकारी अधिकारी अजय कदम तसेच बँकेचे सभासद मोठ्या संख्येने उपस्थित होते.
