लोकतंत्र मिरर
नागपूर, सतीश तोडासे (प्रतिनिधी ): जिल्हा क्रीडा कार्यालयाच्या (DSO) वतीने काँग्रेसनगर येथील DNC महाविद्यालयाच्या मैदानावर आंतरशालेय बॉल बॅडमिंटन स्पर्धेचे आयोजन करण्यात आले होते. या स्पर्धेत सरस्वती विद्यालय शंकरनगरच्या १९ वर्षांखालील मुलींच्या संघाने उत्कृष्ट कामगिरी करत तृतीय स्थान पटकावले.
या संघाला विद्यालयाचे क्रीडा शिक्षक डॉ. ब्रिजमोहन रावत, श्री. पुष्पक तांबेकर व श्री. वैभव कुंभरे यांचे मार्गदर्शन लाभले. संघातील अनघा धर्मे, अक्षदा धर्मे, सेजल मिश्रा, सई अवधूत, वास्तवी पाटील, आरोही खैर्या, भूमी ढोके, भावी येडेकर आणि भार्गवी बडवाईक यांनी स्पर्धेत उल्लेखनीय कामगिरी केली. स्पर्धेदरम्यान खेळाडूंनी उत्कृष्ट सांघिक भावना, जिद्द, शिस्त आणि क्रीडाभावनेचे दर्शन घडवत विद्यालयाचा गौरव वाढविला. विद्यालयाचे व्यवस्थापन (S.I.E.S.), मुख्याध्यापिका डॉ. रेश्मी उमेश, उपमुख्याध्यापिका सौ. शैली अय्यर, पर्यवेक्षक श्री. राहुल घोडे व श्री. शैलेंद्र ठाकूर यांनी सर्व खेळाडूंचे अभिनंदन करून त्यांच्या पुढील क्रीडा वाटचालीस शुभेच्छा दिल्या.
