लोकतंत्र मिरर
नागपूर, सतीश तोडासे (प्रतिनिधी): Ma Iraa Healings आणि Lions Club of Nagpur Metropolitan यांच्या संयुक्त विद्यमाने मातृसेवा संघ, नागपूर येथील विशेष मुलांसाठी साऊंड हीलिंग व ध्यान सत्राचे आयोजन करण्यात आले.
हे सत्र Ma Iraa Healings च्या संस्थापक, DC Yoga Meditation व Lions Club सदस्य पियू लाहोरी यांच्या मार्गदर्शनाखाली पार पडले. या सत्रात शाळेच्या प्राचार्या मृणालिनी मॅडम तसेच शिक्षकवृंद यांनी विद्यार्थ्यांसोबत उत्स्फूर्त सहभाग घेतला. ध्वनी, संगीत आणि ध्यानाच्या माध्यमातून मुलांना शांतता, सकारात्मकता आणि आनंदाचा अनुभव देणे हा या उपक्रमाचा मुख्य उद्देश होता. या वेळी Ma Iraa Healings टीमचे सारंग खोडे आणि अपूर्वा खोडे उपस्थित होते.या उपक्रमामुळे विद्यार्थ्यांमध्ये आनंद आणि सकारात्मक ऊर्जेचे वातावरण निर्माण झाले.
