लोकतंत्र मिरर
अहिल्यानगर, राधेशाम कुलकर्णी (जिल्हा प्रमुख) : जिल्ह्यातील प्रसिद्ध पर्यटनस्थळ असलेल्या रंधा फॉलच्या विकासात मोलाचे योगदान देणारे माजी आमदार वैभवराव मधुकरराव पिचड यांनी सोमवारी रंधा फॉल येथील ऐतिहासिक व धार्मिक महत्त्व लाभलेल्या आद्यस्वयंभू श्री घोरपडा देवी मंदिरात सदिच्छा भेट देऊन देवीचे मनोभावे दर्शन घेतले. यावेळी त्यांनी विधिवत आरती करून देवीच्या चरणी नतमस्तक होत आशीर्वाद घेतले.
रंधा फॉल परिसराला पर्यटनाच्या नकाशावर विशेष ओळख मिळवून देण्यात वैभवभाऊ पिचड यांचे महत्त्वपूर्ण योगदान राहिले आहे. त्यांच्या मार्गदर्शनाखाली दरवर्षी नवरात्रोत्सव मोठ्या उत्साहात आणि भक्तिमय वातावरणात साजरा केला जातो. या भेटीदरम्यान आद्यस्वयंभू श्री घोरपडा देवीच्या चरणी सर्वांच्या सुख, समृद्धी, उत्तम आरोग्य आणि कल्याणासाठी प्रार्थना करण्यात आली. या धार्मिक भेटीमुळे मंदिर परिसरात भक्तिमय वातावरण निर्माण झाले.
