लोकतंत्र मिरर
मुंबई : ऑगस्ट महिन्याच्या सुरुवातीला काहीसा दिलासा देणारे सोन्याचे दर आता पुन्हा वेगाने वाढू लागले आहेत. अवघ्या दोन दिवसांत सोन्याच्या किमतीत मोठी वाढ झाल्याने दागिने खरेदीचा विचार करणाऱ्यांच्या खिशावर अतिरिक्त भार पडणार आहे. त्यामुळे खरेदीपूर्वी आजचे ताजे दर जाणून घेणे गरजेचे ठरले आहे.
6 ऑगस्ट 2026 रोजी सकाळी 10 वाजेपर्यंतच्या आकडेवारीनुसार, महाराष्ट्रातील मुंबई, पुणे, नागपूर, कोल्हापूरसह प्रमुख शहरांमध्ये 24 कॅरेट सोन्याचा भाव 1,49,860 रुपये प्रति 10 ग्रॅम इतका झाला आहे. तर प्रति ग्रॅमचा दर 14,986 रुपये आहे. दागिन्यांसाठी सर्वाधिक वापरल्या जाणाऱ्या 22 कॅरेट सोन्याचा भाव 1,37,400 रुपये प्रति 10 ग्रॅम असून प्रति ग्रॅम 13,740 रुपये आहे. तर 18 कॅरेट सोन्याचा दर 1,12,450 रुपये प्रति 10 ग्रॅम आणि 11,245 रुपये प्रति ग्रॅम इतका आहे. मेकिंग चार्जेस आणि GST धरून 22 कॅरेट सोन्याचा दागिना प्रति तोळा सुमारे 1,58,505 रुपयांना मिळत आहे.
दरम्यान, आज एका दिवसातच सोन्याच्या दरात प्रति 10 ग्रॅम 2,870 रुपयांची वाढ झाली आहे. ऑगस्ट महिन्यात आतापर्यंत सोनं 5,710 रुपयांनी महागलं असून, जुलैच्या सुरुवातीच्या तुलनेत दरात सुमारे 9 हजार रुपयांची वाढ झाली आहे. चांदीच्या दरात मात्र आज कोणताही बदल झालेला नाही. चांदी 2,40,000 रुपये प्रति किलो या दराने विकली जात असून, ती अजूनही तिच्या उच्चांकापेक्षा सुमारे 1.85 लाख रुपयांनी स्वस्त आहे. सणासुदीचा हंगाम जवळ येत असल्याने सोन्याच्या दरातील ही वाढ ग्राहकांसाठी चिंतेची बाब ठरत आहे. त्यामुळे दागिने खरेदीचा विचार करत असाल, तर बाजारातील ताजे दर तपासूनच निर्णय घेणे फायदेशीर ठरू शकते.
