लोकतंत्र मिरर
पुणे ,उमेश आबनावे (जिल्हा प्रतिनिधी) : पुणे जिल्हाध्यक्ष महिला मोर्चा भाजपा, पुणे महानगरपालिकेच्या शासननियुक्त नगरसेविका तथा पिसोळीच्या माजी सरपंच स्नेहलताई गणपत मामा दगडे यांच्या वतीने आयोजित ‘प्रहार – The Untold Story of Ujjwal Nikam’ या चित्रपटाचा भव्य प्रीमियर सोहळा कॉम्प्लेक्स सिनेमाज, ट्रिबेका हायस्ट्रीट मॉल, NIBM, कोंढवा, पुणे येथे मोठ्या उत्साहात संपन्न झाला.
या सोहळ्याला पद्मश्री पुरस्काराने सन्मानित खासदार तथा ज्येष्ठ विधिज्ञ अॅड. उज्ज्वल निकम यांची विशेष उपस्थिती लाभली. त्यांच्या उपस्थितीने आणि शुभाशीर्वादाने आयोजकांसाठी हा क्षण अभिमानाचा व प्रेरणादायी ठरला. न्यायासाठीचा संघर्ष, सत्यनिष्ठा आणि धैर्य यांचा प्रेरणादायी प्रवास उलगडणाऱ्या या चित्रपटाला प्रेक्षकांचा उत्स्फूर्त प्रतिसाद मिळाला. चित्रपटाच्या माध्यमातून न्यायव्यवस्थेतील संघर्ष आणि सत्यासाठी लढण्याची जिद्द प्रभावीपणे मांडण्यात आली आहे.
या प्रसंगी पुणे महानगरपालिकेच्या उपमहापौर सरस्वतीताई शेंडगे, नगरसेविका प्रियंका शेंडगे, महिला मोर्चा भाजपा सचिव गणतंत्रा बिंदा, नगरसेविका प्राचीताई आशीष आल्हाट, शासननियुक्त नगरसेवक राजेंद्र भिंताडे, सामाजिक कार्यकर्ते रामभाऊ जगदाळे, भाजपा पुणे जिल्हा चिटणीस गणेश भोसले, शासननियुक्त नगरसेवक मच्छिंद्र दगडे, सामाजिक कार्यकर्ते बापू लोणकर, ऋतुजाताई गणपत मामा दगडे, पिसोळीचे सरपंच दीपक धावडे, तानाजी काळभोर, अमोल काळभोर, प्रज्वल दगडे, वंदना परमार, नरेंद्र ठक्कर, भूषण डांगी आणि सुप्रज्ञाताई जोशी यांच्यासह विविध क्षेत्रांतील मान्यवर, सामाजिक कार्यकर्ते, महिला आणि चित्रपटप्रेमी मोठ्या संख्येने उपस्थित होते.
या भव्य प्रीमियर सोहळ्याला उपस्थित राहून कार्यक्रमाची शोभा वाढविणाऱ्या सर्व मान्यवरांचे, चित्रपटाच्या संपूर्ण टीमचे आणि उत्स्फूर्त प्रतिसाद देणाऱ्या चित्रपटप्रेमी प्रेक्षकांचे आयोजकांच्या वतीने मनःपूर्वक आभार व्यक्त करण्यात आले.
